حضرت ابوالفضل (ع) - کلامی زنجانی
+ نویسنده v.fotros در شنبه نهم اسفند ۱۳۹۹ |
حضرت ابوالفضل (ع)
امام حاصل علمداری دیندیروب دیله گتدی
دئدی اوتوز بش ایل عمروم بو ساعته چاتماز
اگر رضاسن ابوالفضلیدن دئ جان وئروم آسان
رضای غیر بو گون سن وئرن رضایته چاتماز
امامسن آقاسان ، من آستانیوه نوکر
بو یولدا مین یول ئولم گر خلل ارادته چاتماز
آقالیق ایله بو بوش مشکی گوندر امّ بنینه
او بی کسین اَلی که اوزگه بیر علامته چاتماز
منی که دشمن اوتاندیردی اصغرون آناسیندان
بیر عالمون غمی الله بولور خجالته چاتماز
باشیمی قوی یره دور قدّیوی دوزت باشیم اوسته
گورن دئسون اوجا بوی سرولر بو قامته چاتماز
ائله دایان بو قوشون بولمسون بئلون بوکولوبدی
وورالّا دیل یاراسی هیچ یارا شماتته چاتماز
منه ده دیل یاراسی ووردولار عمودی ووراندا
ایکی یارا منی یخدی بو غم نهایته چاتماز
«کلامی» امر پیمبردی سهل سانما نمازی
نمازه کاهل اولا کیم ، الی شفاعته چاتماز
کلامی زنجانی – عاشقان شهادت ص 221
برچسبها: حضرت ابوالفضل,
امام حسین,
زبانحال,
شعر ترکی
