حضرت ابوالفضل(ع) - منزوی(ره)
+ نویسنده v.fotros در شنبه نهم اسفند ۱۳۹۹ |
حضرت ابوالفضل (ع)
حسرتله آه چکدی دئدی ای بریده دست
پیرانه وقتیده بلیمی ایتدیلر شکست
قورخاردی روبهانه بو اللردن اهل کین
ایندی کسوبله اللریوی نیلسون حسین؟
غم منجنیقی چار طرفدن سیخار منی
دشمن یخوب سنی بو یخیلماق ییخار منی
شاید اوتاندیریر سویوون یوخلوقی سنی
آچ گوزلرون گتورمموشم من رقیّه نی
سنسیز سویار حرم لریم عزّت لباسینی
گیسون گرک عیالیم اسارت لباسینی
ایتسون سکینه منتخب اوز رخت قاره سین
الان گرک گئدوب چخادوم گوشواره سین
ای ماه باتما آختاریر اولدوزلاریم سنی
اکبر ئولوب امید بولور قیزلاریم سنی
افسوس انخسافه دوشوب ماه طلعتون
هر عضوی عضویدن اوزولوب سرو قامتون
مشکل بیر امریدور که بو قامت قیام ائده
آسان اولار او گونکه قیامت قیام ائده
اولما رضا اولا شرمنده «منزوی»
مدّت اولوب قاپوندا پناهنده «منزوی»[1]
منزوی (ره)
[1] - برای مشاهده متن کامل شعر به دیوان مرحوم منزوی ج 1 ص 101 مراجعه نمایید.
برچسبها: حضرت ابوالفضل,
امام حسین,
شعر ترکی,
منزوی
